基督復活！唱和散那！
慶祝這偉大日子
基督復活！一切受造
恬靜 卬愕 大希奇
請看曠野沙漠中間
一叢大樹湠開闊
醫治樹葉豐盛恩典
奧妙疼痛享無息
受造萬物一齊謳咾
同心圍纍主寶座
天使世人相及吟詩
天頂地下大歡喜
高山 深谷 田野草花
青翠平原涼風吹
鳥隻詩歌 輕聲水泉
頌主疼痛永無息
日月星辰相及應聲
一齊謳咾主聖名
上帝慈愛普及人類
手足相疼極寶貴
稱讚不斷直直向前
一路奮闘會得勝
喜樂歌聲響亮無停
導咱入凱旋人生
基督復活！天頂地下
及前永袂閣相同
基督新造活命擘開
分互受苦世間人
今對撒但勇敢宣告
退去！主已經復活
永活上帝及咱同在
萬族齊唱和散那！
歡喜和平永享受
享受喜樂永無離